गुरुवार, 19 नवंबर 2015

स्केचअपसाठी स्केचुकेशनचे प्लगइन स्टोअर

या आर्टिकलमध्ये आपण  Sketchucation.com या वेबसाइट वर मिळणाऱ्या स्केचअपसाठीच्या प्लगइन स्टोअरला कसे इंस्टॉल करावे हे पाहू. Sketchucation.com या वेबसाइटवर स्केचअपसाठी विनामूल्य प्लगइन्स मिळतात, जे स्केचअपच्या बिल्ट-इन एक्सटेंशन वेअर हाउस मध्ये मिळत नाहीत. आपल्याला ते एक्सटेंशंस स्केचुकेशनच्या  प्लगइन स्टोर मधूनच इंस्टॉल करावे लागतात. हे प्लग इन स्केचुकेशनच्या वेबसाईटवरून वेगवेगळे डाऊनलोड करून पण इंस्टॉल करता येतात, पण स्केचअप प्रोग्राम मधूनच इंस्टॉल करण्यासाठी त्यांचे प्लग इन स्टोर डाऊनलोड करता येते. 

यासाठी खाली दिलेल्या लिंकवर क्लिक करा
http://sketchucation.com/plugin-store-free-download    



पेज उघडल्यानंतर "डाऊनलोड नाऊ" या बटणावर क्लिक करा. आणि त्यानंतर डायलॉग बॉक्स मध्ये "सेव्ह" बटणावर क्लिक करा 
त्यानंतर तुमच्या डाऊनलोड फोल्डर मध्ये वर दिसणारी फाईल सेव्ह झालेली दिसेल. 
यानंतर स्केचअपचा प्रोग्राम स्टार्ट करा. त्यामध्ये  Windows - Preferences या मेनूवर क्लिक करा. आता तुम्हाला खालील बॉक्स दिसेल.

या बॉक्स मध्ये "Install Extension..." या बटनावर क्लिक करा. तेव्हा एक डायलॉग बॉक्स उघडेल. त्यामध्ये तुम्हाला डाऊनलोड करून ठेवलेली "SketchuCationTools.rbz" ही फाईल सेलेक्ट करावी लागेल. त्यानंतर खालील विंडो दिसेल.

यामध्ये "यस" या बटनावर क्लिक केल्यानंतर त्याचे इंस्टॉलेशन पूर्ण  होइल.  आता तुम्हाला स्केचअपच्या  "Extensions" मेनू मध्ये  स्केचुकेशन हा मेनू दिसू लागेल.

जर तुम्ही स्केचुकेशनच्या प्लगइन स्टोअरचे  लेटेस्ट व्हर्जन 3 इन्स्टॉल केले असेल तर हा मेनू थोडासा वेगळा दिसतो.
  
या ठिकाणी प्लगइन स्टोअरच्या जागी एक्सटेंशन स्टोअर दिसेल आणि त्याला उघडल्यावर तुम्हाला बऱ्याचश्या गोष्टी वेगळ्या दिसतील.

हे आहे स्केचुकेशनचे नवीन एक्सटेंशन स्टोअर. यामध्ये पूर्वीप्रमाणे सर्च बॉक्स नाही. त्यामुळे तुम्हाला कुठलेही प्लगइन लिस्टमध्ये शोधून  इंस्टॉल करावे लागेल.

जेव्हा एक्सटेंशन स्टोअर उघडतो तेव्हा त्याचे डिफाल्ट लिस्ट  "Recent" असते. तुम्हाला ड्रॉप डाउन मेनू वर क्लिक करून त्यामधून "Full List" निवडावे लागेल. तेव्हा स्केचुकेशनच्या सर्व अव्हेलेबल प्लगइनची  लिस्ट दिसू लागेल. यामधील नावे अल्फाबेटिकल ऑर्डर प्रमाणे दिलेली असतात. प्रत्येक नावासमोर तुम्हाला पर्पल, रेड आणि ग्रीन कलर चे बटन दिसतील. पर्पल बटणावर क्लिक केल्यास एक वेब पेज उघडेल आणि त्या प्लग इन बद्दल सविस्तर माहिती तुम्हाला वाचावयाला मिळेल. रेड बटणावर क्लिक केल्यास इंस्टॉलेशनला सुरवात होईल.

अशा प्रकारे तुम्ही स्केचुकेशनच्या प्लगइन स्टोर/ एक्सटेंशन स्टोअर मधून कुठलेही एक्सटेंशन किंवा प्लग इन शोधून इंस्टॉल करू शकता.

तुम्ही हे वाचले आहे काय?




स्केचअप मेक हे एक विनामूल्य 3D मॉडेलिंग सॉफ्टवेअर आहे जे आर्किटेक्चर, कंस्ट्रक्शन, इंटीरियर आणि फर्नीचर इत्यादींचे मॉडेल्स बनवण्यासाठी वापरता येते.